تشكيلة وسفرة رمضانية متكاملة وسهلة الي حابة تتعلم وتجدد فتقديم اطباقها تدخل هنا ونتمنى نكون افدتكم

[فيروز لؤلؤة المنتدى]

إضغط هنا لرؤية الصورة بحجمها الطبيعي.


عصير البطراف بالبرتقال والقارص
المقادير

2 حبات برتقال مقشرين ومنفيين مليح من القشرة البيضا والعضم
-حبة قارص منقية بنفس الطريقة
-حبة بيطراااف متوسطة
- سكر حسب الرغبة
- عطر فراولة
- 2 علب ياغورت فرااز
نضع كل شيء في اناء ونطحن كل شيء مع عصير البرتقال والماء ممكن اضافة عصير القاارص

يصفى و يقدم

ملاحظة ممكن نطحن معاه الفراز وممكن اضافة سيرو الرومان

شكشوكة البطاطا مقلية واللحم المرحي
وصفة بسيطة بنييينة وسهلة
المقادير
إضغط هنا لرؤية الصورة بحجمها الطبيعي.
-بصلة كبيرة
-شوية لحم مرحي
-ثوم
-هريسة
-بيض
بطاطا
طريقة التحضير
في مقلاة زيت بصل مقطع نقليه مليح زيدي ثوم ملح فلفل راس الحانوت لحم مرحي ونقلي زيدي لهريسة ضرورية هي سر البنة "استعملو النوع لي ماشي حار بزاف"
إضغط هنا لرؤية الصورة بحجمها الطبيعي.
ضفي عليها البطاطا المقلية ضربي البيض وفرغيه عليها وتقدم
إضغط هنا لرؤية الصورة بحجمها الطبيعي.

سلطة تركية سهلة بسيطة ولذيذة وغنية
المقادير
إضغط هنا لرؤية الصورة بحجمها الطبيعي.
-باذنجان مشوي في الفرن ومقطع
-نص بصلة مقطعة
-حبة طماطم مقطعة
-حبة خيار مقطعة
-حمص
-معدنوس مقطع
-ملح فلفل كمون
-عصير قارص و زيت زيتون
"المقادير غير محددة حسب الرغبة"
نخلط كل شيء وتقدم
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
ملاحظة يمكن اظافة نعناع مقطع وطرشي مشوي ومقطع

موس شيكولا والباذنجاان روووووعة
كنت من قبل حاطة عصير الباذنجان وحدة فيكم ما تجرءت وجربتو
اليوم قررت نحطلكم تحلية اخرى بالباذنجان ولي هي موس شيكولا بالباذنجان
المقادير
إضغط هنا لرؤية الصورة بحجمها الطبيعي.
-حبة باذنجان متوسطة ومشوية تقريبا 250 غ
-طابلة شوكولا نوار
-حليب 6 مغارف كبار
-فاني
طريقة التحضير
ذوبي الشيكولا مع الحليب ونطحنوها مع باقي المقادير بالبرا
من الاحسن نطحن المكونات في بلارا حتى يضاعف الحجم تع اللاموس
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
ملاحظة انا ماحطيتش الكمية كاملة تع الحليب
جاتني متماسكة بززااااف
في الاول تكون جارية لكن ما تتقلقوش بعد ما تبرد تجمدلكم لهذا لازم نفرغوها في كؤوس التقديم قبل ما ندخلها للثلاجة

كروكااات بطاطا تونة هاااايلة
المقادير
-2 بطاطا كباار مسلوقين
-ملح فلفل عكري كمون
-معدنوس مقطع وفص ثوم
-شوية هرية اختياري
-تونة اختياري "انا حطيت علبة صغيرة"
طريقة التحضير
نطحن البطاطا بالشوكة زيدي عليها باقي المقادير وشكليها كما في الصور
إضغط هنا لرؤية الصورة بحجمها الطبيعي.
درك نجيو للصح
نجيبو الفرينة حوالي كاس + ملح + كركم + ملعقة صغير معمرة مليح خميرة خبز + رشة فاني سبب اظافة الفاني لازالة رائحة الخميرة
إضغط هنا لرؤية الصورة بحجمها الطبيعي.
نبل بالما دافي ونتحصل على عجينة اثقل من البغرير
إضغط هنا لرؤية الصورة بحجمها الطبيعي.
ونخليه يخمر حتى تتشكللنا فقعات
نغطس الحبات في العجينة وتقلى في زيت غازر
إضغط هنا لرؤية الصورة بحجمها الطبيعي.
ملاحظة لازم تكون لعجينة متماسكة باش تلسق مليح في الحبة تع البطاطا وتاكل سااخنة

دجاجة محمرة بتبليلة مميزة
المقادير
إضغط هنا لرؤية الصورة بحجمها الطبيعي.
طريقة التحضير
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
نخلوها تبات اطول مدة ممكنة وكي نجو نطيبوها حطيها في مول على ظهرها في فرن ساخن لمدة ربع ساعة ثم نغطيها ونرجعها طيب على نار متوسطة
وتقدم
إضغط هنا لرؤية الصورة بحجمها الطبيعي.
ملاحظة تغطى بورق الزبدة ثم بورق الالمنيوم
كي طيب نسقوها بالمرق نتاعها ومن بعد يصفى

شوربة البطاطا بالطماطم سهلة سريعة اقتصاادية واهم شي بنينة
المقادير
إضغط هنا لرؤية الصورة بحجمها الطبيعي.
3حبات بطاطا كباار
حبة طماطم متوسطة
حبة بصل متوسطة
كاس كبير حليب
زوج فرماجات او ثلاثة
طريقة التحضير
إضغط هنا لرؤية الصورة بحجمها الطبيعي.
قطعي الخضر حطيهم في طنجرة يتغطاو بالما وحطيهم يطيبو
بعد ما يطيبو طحنيهم مع الحليب والفورماج وملح وفلفل كحل
وتصفى
إضغط هنا لرؤية الصورة بحجمها الطبيعي.
ملاحظة ماتكثروش الما باش ما تجيكمش خفيفة قيس ما تتغطى الخضر فقط

سنبون الكذاااب لذيذ جدااااا
المقادير
خبز مقطع دوائر
كوب سكر
نص كوب ماء
ثلث كوب زيت
بيضة + فاني +2 ملاعق صغار قرفة
إضغط هنا لرؤية الصورة بحجمها الطبيعي.
نخلطهم مع بعضاهم ونغمس في شرائح الخبز ورتبيه في مول مدهون بلا ما تخلي فراغات
إضغط هنا لرؤية الصورة بحجمها الطبيعي.
ضربي علبة حليب نسلي مع علبة جبن طري
نفرغ نص الخليط على الخبز وندخلو للفرن لمدة 10د الى 15د
إضغط هنا لرؤية الصورة بحجمها الطبيعي.
بعد ما نخرجوه من الفرن نفرغو عليه باقي النسلي
ويزين بالكاراميل وصوص الشوكولا الخاصين بالآيس كريم
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
انا مكانش عندي استعملت ديكو جال كراميل
ملاحظة كلما تكون كمية نسلي بزااف كلما تكون الذ لازم تغرقوه في نسلي
ملاحظة2 حليب نسلي المستعمل في الوصفة خدمتو في البيت
طريقة تحضير كالاتي
كاس حليب غبرة
كاس سكر
نص كاس ما
فاني ومغرف زبدة
سخني الما وفرغيه على الحليب والسكر ضفي الفاني وخلطي بالبرا

كيك صحي بدقيق الذرة
المقادير
هاذي الكيكة صحية وتشبع مليحة خصوصا لافطار الاطفال قبل الذهاب الى المدرسة
إضغط هنا لرؤية الصورة بحجمها الطبيعي.
200 غ دقيق ذرة
100 غ فرينة
150 غ سكر
2 بيض
كاس زيت
كاس وربع حليب
50 نواد كوكو
خميرة الحلوى
الطريقة
نضرب البيض مع السكر ولافاني نضيف كاس تع الزيت والحليب
نخلط جيدا ثم نضيف المكونات الجافة
إضغط هنا لرؤية الصورة بحجمها الطبيعي.
نكمل نضيف الخميرة نتع الحلوى نحطها في مول مدهون وتدخل الفرن
إضغط هنا لرؤية الصورة بحجمها الطبيعي.
ملاحظة الكاس المستعمل في الوصفة يرفد 15 سل اكييييييييييييييييييد عجبتكم وفمتناولكم ايا فحلات شبحو سفراتكم ودخلو السعادة لبيوت سعيدة بالتجديد فتقديم الاطباق اشهاها والذها واكيد دون الاصراف اكيد راكم واعيات وبالصحة والراحة

 

 

[1samia]

ya alah 3la atachekilaaaaaaaa
raw3aaaaaaaaaa
sirtou 3asir lbitraf
bayan yhabal
hata njarbou

[بلسم احبابي]

allah yselmek w ykhalik


yatik esaha afkar rawa3a

rabi ykhalik lina ya fifi

[فيروز لؤلؤة المنتدى]

يسلمو نورتي سامو واكيد انا ندير فيه لاكرم تجوغ خاطر مليح ليه وجي بنين وهايل

[1samia]

bsahtou matrah ma yasri yamriiiiiiiiii
:patch _lov:
bousihouli zouzou

[فيروز لؤلؤة المنتدى]

:patch _lov:يسلموووووووووووو هادو الكل من عندو لك يا حلوة

[1samia]

:patch_musi c: